સિનેમા હોલમાં પોપકોર્ન પર બચશે પૈસા, ગેમિંગનો શોખ થશે મોંઘો, GSTની બેઠક બાદ શું સસ્તું કે મોંઘું?
જો તમે પણ ઓનલાઈન ગેમિંગના શોખીન છો તો હવે તમારું ખિસ્સું ઢીલું કરવા તૈયાર થઈ જાઓ. હવે તમારે તેના પર 28 ટકા જીએસટી ચૂકવવો પડશે. જો કે, જો તમે સિનેમા હોલમાં પોપકોર્ન અને સમોસા ખરીદો છો, તો તમને અહીં રાહત મળી શકે છે.
GST કાઉન્સિલે આના પર GST 18% થી ઘટાડીને 5% કર્યો છે. બેઠકમાં SUV (સ્પોર્ટ્સ યુટિલિટી વ્હીકલ)ની વ્યાખ્યામાં પણ ફેરફાર કરીને 28 ટકા GST ઉપરાંત 22 ટકા સેસ વસૂલવામાં આવ્યો છે. દર ચાર મીટર કે તેથી વધુ લંબાઈની, 1,500 સીસી કે તેથી વધુની એન્જિન ક્ષમતા ધરાવતી અને કર્બ વેઈટ વિના ન્યૂનતમ 170 એમએમની ગ્રાઉન્ડ ક્લિયરન્સ ધરાવતી એસયુવી પર લાગુ થશે. આ વ્યાખ્યામાં સેડાનનો સમાવેશ થતો નથી.
નાણાપ્રધાન નિર્મલા સીતારમણની અધ્યક્ષતામાં ગુડ્સ એન્ડ સર્વિસ ટેક્સ (GST) કાઉન્સિલની આજે 11મી જુલાઈએ મળેલી 50મી બેઠકમાં ઓનલાઈન ગેમિંગ પર 28 ટકા ટેક્સ લાદવાનો નિર્ણય લેવામાં આવ્યો છે.
GST કાયદામાં સુધારા પછી ઓનલાઈન ગેમિંગના સંપૂર્ણ મૂલ્ય પર 28% GST દરની અસરકારક તારીખ લાગુ કરવામાં આવશે.
"GST કાઉન્સિલે નિર્ણય લીધો છે કે ઓનલાઈન ગેમિંગ, કેસિનો અને હોર્સ રેસિંગ પર સટ્ટાબાજી કરતી વખતે મળેલી સંપૂર્ણ રકમ પર 28 ટકાના દરે ટેક્સ લાગશે," તેમણે કહ્યું.
મૂવી હોલમાં પોપકોર્ન કે કોલ્ડ ડ્રિંક્સ સસ્તા થશે
સિનેમાની ટિકિટોના વેચાણ અને પોપકોર્ન અનેકોલ્ડ ડ્રિંક્સ વગેરે જેવા ખાદ્યપદાર્થોના સપ્લાય અંગે પણ કાઉન્સિલમાં ચર્ચા કરવામાં આવી હતી. કાઉન્સિલે જાહેરાત કરી હતી કે સિનેપ્લેક્સની અંદરના રેસ્ટોરન્ટ્સ પર અગાઉ 18 ટકાની સરખામણીએ 5 ટકા GST લાગશે.
GST કાઉન્સિલે સિનેમા હોલમાં પીરસવામાં આવતા ખાદ્યપદાર્થો પરનો ટેક્સ ઘટાડીને 5% કર્યો છે, જેનાથી તેમના ભાવમાં ઘટાડો થશે.
Edited by-monica Sahu
