કેંદ્રએ અહીં વિશેષ આર્થિક ક્ષેત્ર (સેજ) પરિસરમાં સોફ્ટવેર ટેક્નોલાજી પાર્ક (એસટીપી) ની સ્થાપના માટે 60 કરોડ રૂપિયા આપવાનું આશ્વાસન આપ્યું છે. યોજના રાજ્યમંત્રી વી નારાયણસામીએ શનિવારે આ માહિતી આપી.
નારાયણસામીએ પત્રકારો સાથે વાતચીત દરમિયાન જણાવ્યું કે, 'તેમણે આ મામલો સંચાર મંત્રી એ રાજા સાથે ઉપાડ્યો છે અને એ વાતના મજબૂત સંકેત છે કે, ફંડ આપી દેવામાં આવશે.'
તેમણે જણાવ્યું કે, ' માનવ સંસાધન વિકાસ મંત્રાલયે પોંડીચેરી માટે જે રાષ્ટ્રીય તકનીકી સંસ્થાનની મંજૂરી આપી છે તેને કરાઈકલમાં સ્થાપિત કરવામાં આવશે. આ સંસ્થાન પર કેન્દ્ર રોકાણ કરશે.'
તેમણે કહ્યું કે, ' આ સંઘ શાસિત પ્રદેશની પૂર્ણ રાજ્યના દરજ્જાની માગણી પર કેન્દ્ર વિચાર કરી રહ્યું છે અને સાંસદના આગામી બજેટ સંત્ર દરમિયાન આ વિષે ખરડો લાવવામાં આવી શકે છે.