મોદી સહિત ગુજરાતમાં તમામ સીટોની જાહેરાત આજે થઈ શકે છે
ગુજરાતમાં ટીકિટ બાબતે આજે અસંતુષ્ટોસાંસદોને કેટલો ન્યાય મળી શકે
, બુધવાર, 19 માર્ચ 2014 (11:41 IST)
P.R
ભારતીય જનતા પાર્ટીના વડાપ્રધાનપદના ઉમેદવાર અને ગુજરાતના મુખ્યમંત્રી નરેન્દ્ર મોદી સહિત ગુજરાતની તમામ બેઠકોના ઉમેદવારો આજે જાહેર થવાની સંભાવના છે. કહેવાય છે કે મોદીની હાજરીમાં ચાલેલી કવાયતો બાદ દિલ્હીમાં પાર્લામેન્ટરી બોર્ડને દેખાડા માટે જે પેનલો નક્કી થઈ તેમાં મોટાભાગના વર્તમાન સાંસદોને સમાવીને અસંતોષોની આગને ઠારવા કામચલાઉ પ્રયાસ કરાયો છે. આ પેનલ નક્કી કરી હોવા છતાં ઘણા બધા વર્તમાન સાંસદો કપાઈ રહ્યા હોવાની વાતોએ ચકડોળે ચડી છે. નરેન્દ્ર મોદી ખુદ ગુજરાતની એક સીટ પરથી લડી રહ્યાનું પણ લગભગ નક્કી થઈ ગયું છે સાથે સાથે લાલકૃષ્ણ અડવાણીને પણ ગાંધીનગરની બેઠક આપી તેમની ઈચ્છા પૂરતી કરવાનો પણ મનસૂબ જાહેર ચર્ચામાં ચર્ચાઈ રહ્યું છે.
ગુજરાતવિધાનસભાની ખાલી પડેલી ૭ બેઠકો માટે પણ પેટા ચૂંટણી હોવાથી તેના ઉમેદવારોની યાદી આજે જાહેર થાય તેવી સંભાવના છે. નરેન્દ્ર મોદી વારાણસીથી ચૂંટણી લડી રહ્યાનું જાહેર થઈ ગયું છે પરંતુ ગુજરાતની કઈ બેઠક પરથી લડશે તે હજી અકબંધ રાજ રાખ્યું છે. એક મોવડી મંડળ દ્વારા એક વિશેષ રજૂઆત પણ કરવામાં આવી છે જેમાં એક બેઠક પરથી એક જ ઉમેદવાર બનાવવા જોઈએ. તે રીતેલાલકૃષ્ણ અડવાણીને ગાંધીનગરની સીટ પરથી જ લડવું જોઈએ. પરંતુ તત્કાલીન સૂત્રોએવું જણાવે છે કે લાલકૃષ્ણ અડવાણીભોપાલથી ચૂંટણી લડશે એવી વાતે હાલમાં જોર પકડયું છે.
