FIFA World Cup 2022: કતરમાં ફીફા વર્લ્ડ કપમાં મોરોક્કો સામે 2-0ની શરમજનક હાર બાદ બેલ્જિયમ અને નેધરલેન્ડ્સના અનેક શહેરોમાં રમખાણો ફાટી નીકળ્યા હતા. બેલ્જિયમની હાર બાદ તેના માથે ટુર્નામેન્ટમાંથી બહાર થવાનો ખતરો મંડરાર રહ્યો છે. બેલ્જિયમને ગ્રુપ સ્ટેજમાં તેની છેલ્લી મેચ 2018 વર્લ્ડ કપની રનર અપ ટીમ ક્રોએશિયા સામે રમવાની છે. ટૂર્નામેન્ટના આગામી રાઉન્ડમાં જવા માટે બેલ્જિયમને આ મેચ કોઈપણ ભોગે જીતવી પડશે, જે તેમના માટે આસાન નહીં હોય. મોરોક્કનની જીત બાદ ચાહકો નિરાશ થઈ ગયા અને જાહેર સ્થળો અને શેરીઓમાં તોડફોડ કરી.
બ્રસેલ્સમાં ભીડને વિખેરવા માટે વોટર કેનન અને ટીયર ગેસનો ઉપયોગ કરવામાં આવ્યા બાદ પોલીસે લગભગ એક ડઝન લોકોની અટકાયત કરી હતી. ડઝનબંધ તોફાનીઓએ પલટી મારીને કારને આગ લગાડી, ઈલેક્ટ્રિક સ્કૂટરોને આગ ચાંપી દીધી અને ઈંટો વડે કાર ફેંકી. બ્રસેલ્સ પોલીસના પ્રવક્તા ઇલ્સે વેન ડી કીરેએ જણાવ્યું હતું કે એક વ્યક્તિના ચહેરા પર માર માર્યા બાદ પોલીસે પ્રતિક્રિયા આપી હતી. બ્રસેલ્સના મેયર ફિલિપ ક્લોસે લોકોને શહેરના કેન્દ્રથી દૂર રહેવા વિનંતી કરી અને કહ્યું કે સત્તાવાળાઓ શેરીઓમાં વ્યવસ્થા જાળવવા માટે શ્રેષ્ઠ પ્રયાસો કરી રહ્યા છે. પોલીસના આદેશ પર મેટ્રો અને ટ્રામનો ટ્રાફિક પણ ખોરવાઈ ગયો છે. તેમણે કહ્યુ આ લોકો ફેંસ નથી પણ અસામાજીક તત્વો છે.
એન્ટવર્પ અને લીજ શહેરમાં પણ વિક્ષેપ સર્જાયો હતો. ગૃહ પ્રધાન એનેલીસ વર્લિન્ડેને કહ્યું, "કેટલાક લોકો પરિસ્થિતિનો દુરુપયોગ કરીને કેવી રીતે પોતાનો ગુસ્સો ગુમાવે છે તે જોવું દુઃખદ છે." પાડોશી નેધરલેન્ડની પોલીસે જણાવ્યું હતું કે, બંદર શહેર રોટરડેમમાં અધિકારીઓએ 500 ફૂટબોલ સમર્થકોના જૂથને તોડવાનો પ્રયાસ કર્યા પછી હિંસા ફાટી નીકળી હતી, જેમણે રમખાણોને ડામવા માટે પોલીસ પર ફટાકડા અને કાચ વડે પથ્થરમારો કર્યો હતો. મીડિયાએ રાજધાની એમ્સ્ટર્ડમ અને હેગમાં અશાંતિની સૂચના આપી. મોરક્કોની જીત વર્લ્ડ કપમાં એક મોટો ઉલટફેર હતો અને અનેક બેલ્જિયમ અને ડચ શહેરોમાં મોરક્કોના અપ્રવાસી મૂળના ફેંસની ટીમની જીતને ઉત્સાહપૂર્વક ઉજવ્યો.
