Dhanteras 2021: રોશનીના પર્વ દિવાળીને હવે ગણતરીના દિવસો જ બાકી રહ્યા છે. હિન્દુ ધર્મમાં દિવાળી એકલી આવતી નથી, દિવાળીના 2 દિવસ પહેલા તહેવારો શરૂ થાય છે. ધનતેરસનો તહેવાર દિવાળી પહેલા આવે છે જેનું ઘણું મહત્વ છે. આ દિવસે સોનું અને ચાંદી ખરીદવાનો ટ્રેન્ડ છે. એવું માનવામાં આવે છે કે આ દિવસે સોનું અને ચાંદી ખરીદવાથી લક્ષ્મી પ્રાપ્ત થાય છે.
જો કે, કોરોના વાયરસ રોગચાળાએ લોકોની આર્થિક સ્થિતિ વધુ ખરાબ કરી છે. પરંતુ આજે અમે તમને એક એવી સ્કીમ વિશે જણાવી રહ્યા છીએ, જેના દ્વારા તમે માત્ર 1 રૂપિયામાં સોનાનો સિક્કો ખરીદી શકો છો. આ દિવાળીએ તમે માત્ર 1 રૂપિયામાં ડિજિટલ સોનું ખરીદી શકો છો.
અનેક કંપનીઓ લાવી છે શાનદાર ઓફર્સ
કેશલેસ ઈકોનોમી(Cashless Economy)ને પ્રોત્સાહન આપવા માટે હવે લગભગ દરેક જગ્યાએ ડિજિટલ પેમેન્ટ (Digital Payment)કરવામાં આવી રહ્યું છે. દરેક વ્યક્તિ ડિજિટલ પેમેન્ટ તરફ આગળ વધી રહ્યો છે. આવી સ્થિતિમાં, દિવાળીના અવસર પર ગ્રાહકોને આકર્ષવા માટે, ડિજિટલ પેમેન્ટ સર્વિસ પેટીએમ (Paytm), ગૂગલ પે, ફોન પે(Phone Pay) એ પણ ઘણી ઑફર્સ લાવી છે.
આ ઉપરાંત HDFC Bank Securities, મોતીલાલ ઓસવાલ જેવા બ્રોકરેજ હાઉસ પણ ડિજિટલ સોનું ખરીદવા માટે મોટી ઑફર્સ આપી રહ્યા છે. જો તમે પણ ડિજિટલ સોનું ખરીદવા માંગો છો, તો તમે આ ઑફર્સ વિશે માહિતી લઈ શકો છો
કેવી રીતે ખરીદી શકાય છે ગોલ્ડ કોઈન ?
- સોનાના સિક્કા ખરીદવા માટે તમારે પહેલા 'Google Pay' પર ખાતું ખોલાવવું પડશે.
- ત્યારબાદ અહીં ગોલ્ડ ઓપ્શનને સિલેક્ટ કરવાનો રહેશે.
- હવે તમે અહીં પેમેન્ટ કરીને તમારું ડિજિટલ સોનું ખરીદી શકો છો.
- તમારું સોનું મોબાઈલ વોલેટના ગોલ્ડ લોકરમાં સુરક્ષિત રહેશે.
- સૌથી મોટી વાત એ છે કે જો તમે ઈચ્છો તો આ સોનું વેચી શકો છો અને કોઈને પણ ડિલિવરી કે ગિફ્ટ તરીકે આપી શકો છો.
- જો તમારે સોનું વેચવું હોય તો 'Sell Button' પર ક્લિક કરો.
- જો તમે તેને કોઈને ભેટ તરીકે આપવા માંગો છો, તો 'Gift BUtton' પર ક્લિક કરીને સેંડ કરો.
