ટ્વેંટી-20 : ભારતે પાકિસ્તાનને 7 વિકેટથી હરાવ્યુ
, શનિવાર, 22 માર્ચ 2014 (11:34 IST)
ભારતીય ક્રિકેટ ટીમે શુક્રવારે શેર-એ-બાંગ્લા સ્ટેડિયમમાં રમાયેલ ટ્વેંટી-20 વિશ્વકપના પોતાના પ્રથમ ગ્રુપ હરીફાઈમાં પાકિસ્તાનને સાત વિકેટથી હરાવીને સાત વર્ષ પછી બીજીવાર ખિતાબ મેળવવાના પોતાના અભિયાનની જોરદાર શરૂઆત કરી.
પાકિસ્તાને ભારત સામે 131 રનનુ લક્ષ્ય મુક્યુ હતુ. જેણે ભારતે 18.3 ઓવરમાં ત્રણ વિકેટ ગુમાવીને મેળવી લીધુ. ભારત તરફથી વિરાટ કોહલીએ સૌથી વધુ 36, સુરેશ રૈનાએ 35, અને શિખર ધવને 30 રન બનાવ્યા. કોહલી અને રેનાએ ચોથી વિકેટની ભાગીદારીમાં અણનમ 66 રન બનાવ્યા. આ ભાગીદારી 50 બોલ પર થઈ.