ટીમ ઈન્ડિયાએ ફાઈનલમાં શ્રીલંકાને ખરાબ રીતે હરાવી આઠમી વખત એશિયા કપનો ખિતાબ જીત્યો.

ફાઈનલ મેચમાં શ્રીલંકાની ટીમ માત્ર 50 રનમાં ઓલઆઉટ થઈ ગઈ હતી. આ પછી ભારતીય ટીમે માત્ર 6.1 ઓવરમાં જ સરળતાથી લક્ષ્યનો પીછો કરી લીધો હતો.

ભારત અને શ્રીલંકા વચ્ચે રમાઈ રહેલા એશિયા કપ 2023ની ફાઈનલ મેચમાં મોહમ્મદ સિરાજની બોલિંગે તબાહી મચાવી હતી. સિરાજે આ મેચમાં પોતાની ODI કારકિર્દીની 50 વિકેટ પણ પૂરી કરી હતી.

સિરાજે આ મેચમાં પોતાની બીજી ઓવરમાં 4 વિકેટ લઈને ODI ક્રિકેટમાં પોતાની 50 વિકેટ પણ પૂરી કરી હતી. આ સાથે સિરાજ હવે ODI ઈતિહાસમાં સૌથી ઝડપી બોલ સાથે આ આંકડા સુધી પહોંચનાર ભારતનો પ્રથમ અને વિશ્વ ક્રિકેટનો બીજો સૌથી ઝડપી ખેલાડી બની ગયો છે.