વિરાટ કોહલી અને સૌરવ ગાંગુલી વચ્ચે લાંબા સમયથી ચાલી રહેલ ઝઘડાએ હવે નવો વળાંક લીધો છે. તાજેતરમાં, જ્યારે દિલ્હી કેપિટલ્સ અને રોયલ ચેલેન્જર્સ બેંગ્લોરની ટીમ વચ્ચે IPL મેચ હતી, ત્યારે આ બંને ખેલાડીઓએ એકબીજા સાથે હાથ મિલાવ્યા ન હતા, ત્યારબાદ વિરાટે દાદાને Instagram પરથી અનફોલો કરી દીધા હતા. હવે વિરાટના આ નિર્ણય બાદ ગાંગુલીએ પણ તેનો બદલો લઈ લીધો છે.
હવે ગાંગુલીએ લીધું આ પગલું
અનફોલો થયા બાદ હવે સૌરવ ગાંગુલીએ ચોંકાવનારું પગલું ભર્યું છે અને વિરાટનું નામ તેના ઈન્સ્ટાગ્રામ ફોલો લિસ્ટમાંથી હટાવી દીધું છે. એટલે કે આ બંને દિગ્ગજો વચ્ચે સોશિયલ મીડિયા પરનો ધમાસાણ અટકવાનું નામ નથી લઈ રહ્યો. હવે બંને ખેલાડીઓએ સોશિયલ મીડિયાથી પણ એકબીજા સાથેના સંબંધોને સંપૂર્ણપણે સમાપ્ત કરી દીધા છે. એવા અહેવાલો હતા કે ગાંગુલી પહેલા વિરાટને ઇન્સ્ટાગ્રામ પર ફોલો કરતો હતો, પરંતુ તેને અનફોલો કર્યા બાદ દાદાએ પણ હવે તે જ કરવાનું નક્કી કર્યું છે.
વિરાટે પહેલા ગાંગુલીને અનફોલો કર્યો હતો
દિલ્હી અને આરસીબીની મેચમાં હાથ ન મિલાવવાની વાત સામે આવ્યા બાદ વિરાટ કોહલીએ સૌરવ ગાંગુલીને ઈન્સ્ટાગ્રામ પરથી અનફોલો કરી દીધો હતો. મળતી માહિતી મુજબ, પહેલા વિરાટ સૌરવ ગાંગુલીને ઈન્સ્ટાગ્રામ પર ફોલો કરતો હતો. પરંતુ બાદમાં આ ખેલાડીએ દાદાને ફોલો લિસ્ટમાંથી કાઢી નાખ્યા. વિરાટના આ નિર્ણય બાદ જ ગાંગુલીએ તેને ઈન્સ્ટાગ્રામના ફોલો લિસ્ટમાંથી હટાવવાનો નિર્ણય લીધો હતો.
વિરાટે ગાંગુલીને કર્યો હતો ઇગ્નોર
આરસીબી અને દિલ્હી કેપિટલ્સ વચ્ચે રમાયેલી મેચ પછી, વિરાટ કોહલીએ બધા સાથે હાથ મિલાવ્યો પરંતુ દિલ્હી કેપિટલ્સના ક્રિકેટ ડિરેક્ટર સૌરવ ગાંગુલીની અવગણના કરી. તે જ સમયે, તેણે દાદા સાથે હાથ પણ મિલાવ્યો ન હતો. આ ઝઘડાનો વીડિયો સોશિયલ મીડિયા પર વાયરલ થયો હતો. આ પછી, ફરી એકવાર ગાંગુલી અને વિરાટ વચ્ચે કેપ્ટનશિપ વિવાદની ચર્ચા ફરી ચર્ચામાં આવી.
