કંગના રનોટના પ્રશંસકો માટે ખરાબ સમાચાર છે. યૂએસમાં પોતાની ફિલ્મ સિમરનનુ શૂટિંગ કરી રહેલ કંગના એક્સિડેંટનો શિકાર થઈ ગઈ છે. જોકે તેમના હાથ અને માથા પર સામાન્ય વાગ્યુ છે. આમ છતા તેના હોંસલાની દાદ આપવી પડશે કે ફિલ્મમેકરના ના પાડવા છતા તેમણે પોતાની ફિલ્મનુ શૂટિંગ ચાલુ રાખ્યુ.
સૂત્રનુ માનીએ તો કંગના પોતાની ટીમ સાથે જ્યારે શૂટિંગ કરીને પરત ફરી રહી હતી એ સમયે ગાડી ત્યાનો લોકલ ડ્રાઈવર ચલાવીર રહ્યો હતો. આ દરમિયાન તેને જોર જોરથી ખાંસી આવવા લાગી અને તેની આંખો સામે અંધારુ છવાય ગયુ જેનાથી તેની ગાડી ડિસબેલેંસ થઈ ગઈ. ડ્રાઈવર સાથે બેસેલા બોડીગાર્ડે ગાડીનુ બેલેંસ સાચવવાનો પ્રયત્ન કર્યો પણ તે સફળ ન થયો. ગાડીનુ એક્સિડેંટ થઈ ગયુ અને કારમાં બેસેલી કંગના અને તેની ટીમના બધા લોકો સામાન્ય ઘવાયા. સારવાર માટે બધાને નિકટની હોસ્પિટલમાં લઈ જવામાં આવ્યા. જ્યા પ્રાથમિક સારવાર પછી બધાને મોકલી દેવામાં આવ્યા.
ફિલ્મમેકરે કંગનાને આરામ કરવાની સલાહ આપી પણ તેણે કામને મહત્વ આપતા શૂટિંગ શરૂ કરી દીધુ. દુર્ઘટનાનો શિકાર થયેલ કંગનાની ટીમ પણ શૂટિંગમાં લાગી ગઈ. હંસલ મેહતાના નિર્દેશનમાં બની રહેલ આ ફિલ્મમાં કંગના ડાયવોર્સી મહિલાનુ પાત્ર ભજવતી જોવા મળશે. જાણવા મળ્યુ છે કે દરેક વખતની જેમ આ વખતે પણ ફિલ્મમાં કંગનાનુ પાત્ર દમદાર રહેશે.
