પોતાના અવાજથી લાખો દિલો પર રાજ કરનાર સિંગર કૈલાશ ખેર પર એક કાર્યક્રમ દરમિયાન હુમલો થયો હોવાની માહિતી મળી રહી છે. જો રિપોર્ટ્સનું માનીએ તો કૈલાશ ખેર હાલમાં જ કર્ણાટકમાં હમ્પી ઉત્સવ 2022ના લાઈવ કોન્સર્ટ માટે કર્ણાટક પહોંચ્યા હતા.
અહેવાલો અનુસાર, રવિવારે કૈલાશ ખેરના કોન્સર્ટ દરમિયાન, બે અજાણ્યા લોકોએ ગાયક પર બોટલ ફેંકી હતી. ગાયક પર થયેલા આ અચાનક હુમલા બાદ પોલીસ એક્શનમાં આવી ગઈ હતી અને આરોપીને સ્થળ પર જ પકડી પાડ્યો હતો.
પોલીસ અહેવાલો અનુસાર, બંનેની ધરપકડ કરવામાં આવી છે અને તેમના નિવેદનો નોંધવામાં આવ્યા છે. જો કે, આ સમગ્ર મામલે કૈલાશ ખેર અને તેની ટીમ દ્વારા હજુ સુધી કોઈ નિવેદન બહાર પાડવામાં આવ્યું નથી.
