પુષ્પા: ધ રાઇઝ (Pushpa: The Rise) આખી દુનિયામાં ખળભળાટ મચાવનાર સાઉથનો સુપરસ્ટાર અલ્લુ અર્જુન (Allu Arjun)આજે પોતાનો 41મો જન્મદિવસ ઉજવી રહ્યો છે. 8 એપ્રિલ 1992ના રોજ જન્મેલા અલ્લુ અર્જુને બાળ કલાકાર તરીકે પોતાની ફિલ્મી કરિયરની શરૂઆત કરી હતી, ત્યારથી તે સાઉથ ફિલ્મ ઈન્ડસ્ટ્રી પર સતત રાજ કરી રહ્યો છે. ફિલ્મ 'પુષ્પાઃ ધ રાઈઝ'(Pushpa: The Rise)માં અલ્લુ અર્જુને પુષ્પરાજ નામનું પાત્ર ભજવ્યું હતું, જે દર્શકોને પસંદ આવ્યું હતું. બર્થડે પર અલ્લુ અર્જુને 'પુષ્પા 2'નું પોતાનું લૂક પોસ્ટર શેર કર્યું છે જે ચાહકો માટે કોઈ ટ્રીટથી ઓછું નથી. જો તમે પણ અલ્લુ અર્જુનના મોટા પ્રશંસક છો, તો અહીં અમે તમારા માટે અલ્લુ અર્જુનની ફિલ્મોની યાદી લાવ્યા છીએ જેનો તમે પરિવાર સાથે ઘરે બેસીને OTT પર આનંદ માણી શકો છો.
ફિલ્મ- 'પુષ્પાઃ ધ રાઇઝ'
OTT પ્લેટફોર્મ - અમેજન પ્રાઈમ વિડીયો
અલ્લુ અર્જુનની હિટ ફિલ્મોની યાદીમાં ટોચ પર છે તે ફિલ્મ 'પુષ્પાઃ ધ રાઇઝ' (Pushpa: The Rise) છે, જેમાં અલ્લુ અર્જુન સાથે રશ્મિકા મંદાનાની જોડી હતી. આ ફિલ્મમાં સામંથાનું એક ગીત પણ હતું, જે સુપરહિટ સાબિત થયું હતું. તમે ઓટીટી પ્લેટફોર્મ એમેઝોન પ્રાઇમ વિડિયો પર અલ્લુ અર્જુનની આ ફિલ્મનો આનંદ માણી શકો છો.
ફિલ્મ- સન ઓફ સત્યમૂર્તિ
ઓટીટી - એમએક્સ પ્લેયર
આ ફિલ્મમાં સાઉથના સુપરસ્ટાર અલ્લુ અર્જુન સાથે અદા શર્મા અને સામંથા રૂથ પ્રભુ જોવા મળી હતી. ફિલ્મની વાર્તામાં પિતા-પુત્રનું બોન્ડિંગ બતાવવામાં આવ્યું હતું, જે ભાગ્યે જ ફિલ્મોમાં જોવા મળે છે. તમે ઓટીટી પ્લેટફોર્મ એમએક્સ પ્લેયર પર પરિવાર સાથે અલ્લુ અર્જુનની ફિલ્મ 'સન ઓફ સત્યમૂર્તિ' (S/O સત્યમૂર્તિ) જોઈ શકો છો
ફિલ્મ- ડેન્જરસ ખિલાડી
ઓટીટી - એમએક્સ પ્લેયર
જો તમે અલ્લુ અર્જુનના એક્શનના ફેન છો તો તમારે વર્ષ 2013માં રિલીઝ થયેલી અલ્લુ અર્જુનની એક્શન કોમેડી ફિલ્મ 'ડેન્જરસ ખિલાડી' અવશ્ય જોવી જોઈએ. ફિલ્મ 'ડેન્જરસ ખિલાડી'માં અલ્લુ અર્જુનની સાથે ઇલિયાના ડીક્રુઝ અને સોનુ સૂદ જેવા કલાકારો જોવા મળ્યા હતા.
ફિલ્મ- ડીજે
ઓટીટી- જી5
વર્ષ 2017માં રિલીઝ થયેલી સુપરસ્ટાર અલ્લુ અર્જુનની ફિલ્મ 'ડીજે'એ બોક્સ ઓફિસ પર ધમાલ મચાવી હતી. આ ફિલ્મમાં અલ્લુ અર્જુન સાથે પૂજા હેગડેની જોડી હતી. તમે ઓટીટી પ્લેટફોર્મ જી5 પર અલ્લુ અર્જુનની સુપરહિટ ફિલ્મ જોઈ શકો છો.
ફિલ્મ- આર્યા 2
ઓટીટી પ્લેટફોર્મ- વૂટ
વર્ષ 2009માં રિલીઝ થયેલી અલ્લુ અર્જુન અને શ્રદ્ધા દાસની ફિલ્મ 'આર્યા 2' અલ્લુ અર્જુનની હિટ ફિલ્મોમાં જોવા મળે છે. આ ફિલ્મમાં અલ્લુ અર્જુને કાજલ અગ્રવાલ સાથે બોલ્ડ કિસિંગ સીન પણ આપ્યો હતો જે ચર્ચામાં રહ્યો હતો. અલ્લુ અર્જુનની આ ફિલ્મ તમે ઓટીટી પ્લેટફોર્મ વૂટ પર જોઈ શકો છો.
