શું એ કૈટરીનાનો નવો પ્રેમી તો નથી ને...!
, મંગળવાર, 29 ડિસેમ્બર 2009 (16:32 IST)
કદાચ સલમાન ખાન માટે આ સમાચાર દુ:ખદાયી હોય શકે પરંતુ એ
વાત સત્ય છે કે, તેની ગર્લફ્રેન્ડ કૈટરીના કૈફ હોલીવુડના એક સુપરસ્ટારને મળવા માટે આંધળી દોટ મૂકી રહી છે. તે તેને મળવા માટે ખુબ જ આતુર છે. આ સુપર સ્ટારનું નામ છે રોબર્ટ પેટીનસન. જેણે પોતાની ફિલ્મ 'ટ્વિલાઈટ' અને 'ટ્વિલાઈટ સાગા ન્યૂ મુન' થકી સમગ્ર વિશ્વમાં તહેલકો મચાવી દીધો છે. દુનિયાભરની યુવતીઓ આ ચોકલેટી સ્ટાર પાછળ ગાંડીતુર બની છે. જેઓ પૈકીની કૈટરીના પણ એક છે. સુત્રોની વાત માનીએ તો આવતા સપ્તાહે કૈટરીના પોતાના સહપરિવાર સાથે લંડનમાં આ સિનેસ્ટારને મળવા જઈ રહી છે. એવું પણ કહેવાય રહ્યું છે કે, રોબર્ટ પેટીનસનને ફિલ્મ ટ્વિલાઈટમાં જોયા પછી કેટરીનાએ આ ફિલ્મ સાથે સંકળાયેલા ટ્વિલાઈટ નામના પુસ્તકની ચાર કોપી પણ લઈ આવી છે. જેમાની ત્રણ પુસ્તકને તો કૈટરીનાએ માત્ર ચાર દિવસમાં વાંચી નાખી. હવે ચોથા પુસ્તકનો વારો છે. રોબર્ટ પેટીનસન પણ હાલ કુવારો છે અને કૈટરીના પણ. બન્ને વચ્ચે ઉમરનો ખાસ તફાવત પણ નથી. હાલના સંજોગોને જોતા એટલું જ કહી શકાય કે, સલમાન ભાઈ હવે તમારે કંઈક કરવું જોઈએ હો. ! કારણ કે, આજે રોબર્ટ અનેક યુવા દિલોની ધડકન બની ગયો છે. ટ્વિલાઈટ શ્રેણીની બન્ને ફિલ્મોના મળેલા પ્રતિસાદ બાદ યુકે ગ્લેમર નામની મેગેઝીને તેને 'ધિ સેક્સિયેસ્ટ મેન ઑફ ધિ વર્લ્ડ' નો ખિતાબ આપી દીધો છે. રોબર્ટ સાથે 'મેન ઑફ ધિ યિઅર 2009' નું ટેગ પણ જોડાઈ ચૂક્યું છે. ટ્વિલાઈટ ફિલ્મ બાદ લોકો રિયલ લાઈફમાં આ ફિલ્મસ્ટારનો અવાજ સાંભળવા માટે અધીરા બની ગયાં છે.
