બોલિવૂડનુ પ્રથમ રિઅલ કિસિંગ સીન

અત્યારે જ્યારે બોલિવૂડ ફિલ્મોમાં રિઅલ કિસિંગ સીન સામાન્ય બની ગયા છે ત્યારે એક સમય એવો પણ હતો જ્યારે હિરો-હિરોઈનના ચુંબન દ્રશ્યો પર આખા દેશમાં હાહાકાર મચી જતો હતો.

P.R

બોલિવૂડની ઘણી ફિલ્મોમાં હિરો-હિરોઈનના કિસિંગ સીન યાદગાર બન્યા છે. 'દયાવાન'માં માધુરી દીક્ષિત-વિનોદ ખન્ના, 'સત્યમ શિવમ સુંદરમ્'માં ઝિન્નત અમાન-શશી કપૂરના કિસિંગ સીને ખળભળાટ મચાવી દીધો હતો. અલબત્ત, બોલિવૂડ ફિલ્મમાં સૌથી પહેલો કિસિંગ સીન કોઈએ આપ્યો હોય તો તે 1933માં આવેલી ફિલ્મ 'કર્મા'માં દેવિકા રાની અને હુમાંશુ રાય વચ્ચે ભજવાયો હતો.

અલબત્ત, દેવિકા રાની હુમાંશુ રાયના જ પત્ની હતાં, તેમ છતાં સિલ્વર સ્ક્રિન પર ચુંબન દ્રશ્ય આપવાની હિમ્મત કરવી અને તે પણ 1933ના સમયમાં, કોઈ રમત વાત નહોતી. આજે પણ કિસિંગ સીન આપતા પહેલા હિરો હિરોઈન 10 વાર વિચારે છે(અમુક અપવાદરૂપ કલાકારોને બાદ કરતા...).

P.R

અને જો આના કરતા પહેલાના સમયની વાત કરીએ તો 1921માં આવેલી બંગાળી સાયલન્ટ ફિલ્મ 'બિલાત ફેરાત'માં ઘણા ઉત્કટ કિસિંગ અને સ્મૂચિંગના દ્રશ્યો શૂટ કરાયા હતાં. આ ફિલ્મ પછી ઈન્ડિયન ફિલ્મોમાં રોમાન્ટિક લવસ્ટોરીની શરૂઆત થઈ હતી.

સામાન્ય રીતે હોલિવૂડ ફિલ્મોમાં કિસિંગ સીન જોઈને અસ્વસ્થ થઈ જતા ભારતીય દર્શકો ભારતીય હિરોઈનને આ રીતે પડદાં પર ચુંબન દ્રશ્ય આપતા જોઈને મનમાં તો ખુશ થાય છે પણ જાહેરમાં તેનો સ્વીકાર નથી કરતાં.