દિપીકાનો પ્રેમી સરકી રહ્યો છે !!!
રણબીર અને સોનમની નિકટતાથી દિપીકા ખફા
અભિનેત્રી દિપીકા પદુકોણ હાલ કારકિર્દી અને અંગત જીવન બંનેમાં ભારે મુશ્કેલીઓનો સામનો કરી રહી છે. રણબીર અને સોનમ વચ્ચેની વધતી નીકટતાથી દિપીકાએ હવે સ્થાયી પ્રેમની શોધ શરૂ કરી દીધી છે.
ફિલ્મ ઓમ શાંતિ ઓમ બાદ દર્શકોમાં લોકપ્રિય બનેલી અભિનેત્રી દિપીકા પદુકોણ આજકાલ મુશ્કેલીઓમાં ફસાઇ રહી છે. એકબાજુ દિપીકાને અન્ય અભિનેત્રીઓના દમદાર અને બોલ્ડ દ્રશ્યો ભારે પડી રહ્યા છે. ત્યારે બીજીબાજુ પોતાના જીવનસાથીની પસંદગીમાં પણ દિપીકા ખૂબ જ હેરાન થઇ રહી છે. અત્યાર સુધી દિપીકા અનેક સેલિબ્રિટીની નિકટ જઇ ચૂકી છે. પરંતુ હજુ સુધી તેને સ્થાયી સફળતા પ્રાપ્ત થઇ શકી નથી.
દિપીકા અને રણબીર કપૂર વચ્ચેનો પ્રેમ પ્રણય પાછલા એક વર્ષથી ચાલી રહ્યો છે. પરંતુ સુત્રોના જણાવ્યા અનુસાર હવે રણબીર અને સોનમ કપૂર એકબીજાની નીકટ આવી ચૂકયા છે. જો કે આ ખબર સાંભળીને દિપીકા ભારે પરેશાન જોવા મળી રહી છે,
રણબીરની યાદોને ભૂલવા હવે તે અભિનેતા અક્ષયકુમારના વખાણમાં સમય પસાર કરી રહી છે. પરંતુ દિપીકાએ વિચારવું પડશે કે અક્ષય લગ્નગ્રંથીથી જોડાયેલો છે અને ટિ્વન્કલ ખન્નાને પણ આ પ્રકારની વાત પસંદ નહીં આવે. હકીકતમાં દિપીકાને સ્થાયી પ્રેમની શોધ છે, આખરે કયાં સુધી તે પ્રેમની અદલા બદલી કરતી ફરશે. તેથી જ હાલ દિપીકા ‘જો સબસે ડરેગા વો કયા પ્યાર કરેગા’ગીત ગણગણાતી જોવા મળે છે.
