જુરાસીક વર્લ્ડ બોક્સ ઓફિસના રેકોર્ડ તોડ્યા , પહેલા વીકમાં જ 511 મિલિયમ ડોલરની અધધ કમાણી

ડાયનોસર ફરી એકવાર દુનિયા પર રાજ કર્યુ છે. જુરાસીક વર્લ્ડે બોલ્સ ઓફિસ પરના જૂના રેકોર્ડ તોડયા છે. પહેલા જ વીકમાં જુરાસીક વર્લ્ડે અડધા બીલીયન ડોલરની કમાણી કરનાર પહેલી ફિલ્મ બની છે. ફિલ્મે પહેલા વીકમાં 511.8 મિલીયન ડોલરની કમાણી દુનિયામાં કરી લીધી છે. આ અગાઉ હેરી પોટર સીરીઝની ડેલ્થી હેલો મૂવીએ 314 મીલીયન ડોલરની કમાણી કરી હતી. 

4,273 થીયેટરોમાં રજૂઆત સાથે જુરાસીક વર્લ્ડે નોર્થ અમેરિકામાંથી જ 204 . 6 મિલીયન ડોલર મેળવી લીધા હતા. દુનિયાના હજારો સ્ક્રીનમાં ઓપનીંગમાં જ ફટાકાબાજી કરીને 307.2 મીલીયન ડોલરની કમાણી ફિલ્મે કરી છે. આમાં 100 મિલીયન ડોલર તો ખાલી ચીનમાંથી કમાણી થઈ છે.