અષાઢી બીજ સ્પેશ્યલ રેસીપી- ફાડા લાપસી

અષાઢી બીજ સ્પેશ્યલ રેસીપી-  ગુજરાતી ટ્રેડીશનલ ફાડા લાપસી બધાને બહુ ભાવે છે. ઘરે કોઈ ખાસ પ્રસંગ હોય કે મોટો તહેવાર, ગુજરાતી ઘરોમાં ફાડા લાપસી બને છે. 

સામગ્રી

1 કપ ઘઉંના ફાડા અથવા ઘઉંનું થૂલું,
ચાર ટેબલ-સ્પૂન ઘી,
એક કપ ખાંડ
બે કપ પાણી , 
એક ટી-સ્પૂન એલચીનો ભૂકો,
ડ્રાઈ ફ્રૂટસ 

બનાવવાની રીત
- એક પૅનમાં ઘી ગરમ કરવા મૂકો. ઘી ગરમ થાય એટલે એમાં દ્રાક્ષ તેમ જ ઘઉંના ફાડા શેકો. ફાડા સહેજ ફૂલેલા લાગે ત્યાં સુધી તેને શેકવા.
- એમાં બે કપ પાણી ઉમેરો. પાણીને ઊકળવા દો અને ફાડાને ધીમા તાપે ચઢવા દો. લાપસીને સરખી રંધાવા દો.
- હવે એમાં ખાંડ ઉમેરી દો. લાપસી બરાબર રંધાઈ જાય એટલે ગૅસ બંધ કરી એમાં એલચીનો ભૂકો ઉમેરી સરખી રીતે ભેળવી દો.
- હવે છેક છેલ્લે બદામ તેમ જ પિસ્તાંથી લાપસીને ગાર્નિશ કરો. સર્વિંગ-બાઉલમાં ગરમાગરમ સર્વ કરો. જો લાપસી બહાર ન બનાવવી હોય તો આ મિશ્રણમાં ખાંડ ઉમેરી કૂકરમાં પણ બનાવી શકાય.

Edited By- Monica Sahu