જેતપુરમાં 3 આંખો અને 2 મોંઢાવાળી વાછરડી જન્મી

જેતપુર તાલુકાના થાણાગાલોલ ગામે કુદરતના વધુ એક અદભુત કરિશ્માના દર્શન થયા હતાં. એક ગાયને 2 મુખ  અને 3 આંખો સાથે એક વાછરડી જન્મતાં લોકો શ્રદ્ધા અને કુતુહલવસ આ વાછરડીને જોવા તબેલા પર ઉમટી રહ્યા છે. છેલ્લા 20 વરસથી જેતપુર તાલુકાના થાણાગાલોલ ગામે ભરતભાઈ નાનજીભાઈ ઉંધાડ ગાય-ભેંસનો તબેલો ધરાવે છે. તેમને ત્યાં એક ગાયએ ત્રણ આંખો અને બે  મુખવાળી એક વાછરડીને જન્મ આપ્યાની વાત વાયુવેગે ગામમાં ફેલાઈ હતી.  કુદરતનો આ અદભુત કરિશ્મા જોવા ગામ તેમજ આજુબાજુના ગામોના લોકોએ તબેલા તરફ દોટ મૂકી છે. સૌથી અચરજ પમાડે તે એ વાત જોવા મળી કે ત્રણ ત્રણ મુખ અને બે આંખો ધરાવતી આ વાછરડી હાલ એકદમ તંદુરસ્ત છે.  પશુપાલન સાથે સંકળાયેલા લોકોના જણાવ્યા અનુસાર પશુઓમાં આવો કિસ્સો તેઓએ છેલ્લા 20 વરસમાં ક્યાંય જોયો નથી કે સાંભળ્યો નથી. શ્રાવણ માસના અંતિમ દિવસે જ ગાયમાતાએ નંદીને જન્મ આપ્યાનું માની લઇ શ્રદ્ધાળુઓ ગાયમાતા તેમજ કુદરતના કરિશ્મા સાથે જન્મેલી નંદીરૂપ વાછરડીના નત મસ્તકે વંદન કરી દર્શન કરી રહ્યા હોવાનું લોકો જણાવી રહ્યા છે.