પાકિસ્તાનના ક્વેટામાં બોમ્બ વિસ્ફોટ પછી ભારે ગોળીબાર
મંગળવારે પાકિસ્તાનના ક્વેટા શહેરમાં ફ્રન્ટિયર કોર્પ્સના મુખ્યાલય પાસે એક પ્રચંડ વિસ્ફોટ થયો. વિસ્ફોટ એટલો શક્તિશાળી હતો કે તેનો અવાજ મોડેલ ટાઉન સહિત આસપાસના સંવેદનશીલ વિસ્તારોમાં ગુંજ્યો. વિસ્ફોટ પછી તરત જ ગોળીબાર પણ શરૂ થઈ ગયો, જેના કારણે સમગ્ર વિસ્તારમાં ગભરાટ અને અરાજકતાનું વાતાવરણ સર્જાયું. પાકિસ્તાનની અગ્રણી ન્યૂઝ વેબસાઇટ ડોન અનુસાર, આ વિસ્ફોટમાં અત્યાર સુધીમાં 10 લોકોના મોત થયા છે, જ્યારે 32 લોકો ઘાયલ થયા હોવાના અહેવાલ છે. મૃત્યુઆંક વધવાની આશંકા છે. વિસ્ફોટની તીવ્રતા એટલી મોટી હતી કે નજીકની ઇમારતો અને ઘરોની બારીઓ તૂટી ગઈ હતી.
વિસ્ફોટ પછી, ઘટનાસ્થળેથી આગ અને ધુમાડાના ગોટેગોટા નીકળતા જોવા મળ્યા. બચાવ ટીમો અને પોલીસ દળો ઘટનાસ્થળે પહોંચી ગયા. સમગ્ર વિસ્તારને સીલ કરી દેવામાં આવ્યો છે અને શોધખોળ શરૂ કરવામાં આવી છે. પ્રારંભિક અહેવાલો દર્શાવે છે કે વિસ્ફોટ અત્યંત શક્તિશાળી હતો, પરંતુ તેનું કારણ હજુ સુધી જાણી શકાયું નથી.
